Et jet üver nöjst mij jeschwatt als wie üver d’Wädder. Ston derr e paar bej e neng, dan oss dat ischt Thema: “Wat jet et fürr e Wädder.” Däm eene oss et ze kalt, däm anneren ze warem. Däm ränt et zevill, on däm eenen oss et ze dröj. E Jelöck dat dän Herrjott alleen dofürr zuständig oss, soss jüng dat schung. Äwer höckt ze Dach, wenn dat hinnen net passt, et oss ze naas oder ze kalt, da jett sich flott on de Fliejer jesatt on ab nom Süden. Do broden die sech dann wie Fettjrieven on d’Sonn. Wenn die dan heemkomme, han die en Hokt wie e Nilperd on se fonnen dat och noch schön. Äwer ihrlesch jesaht et oss net ömmer jrat schön wie die dan aussiehn. Dobei oss dat Wädder bej oss jarnet e su schlömm. Mirr han keenen Tsunami, keen Tornados on wie die all heeschen. Alt en kier e kleene Wirbelsturm, äwer durisch die Berjer die mirr hej han, oss dän noch flott jebrämst. Alt en kiers oss och e su en Harelschuer dobej. Do jän dan die dollste Jeschichten drüver verzahlt. Die Harelköre jän dan bej däm Verzähl emmer decker. Se woren tischt su deck wie Doweneier, on op een kier woren et ald Tennisbäll. Worr oder net worr, die Löckt hatten ald jet zu verzälle. Jännes saht no Pitter: “Mensch os dat höckt ewer e sou Wädder.” Du saht Pitter: “Dat Wädder oss jut, würren d’Löckt nemme besser.” Do drüver hatten die zwing ewer bal Streckt kriejen boss Pitter saht: “Dat wor net fürr desch jemeent.” Du wor dä kleene Zwist erömm jäng behowe.
Früjer bij derr Arbet mutten se bej jiddem Wädder stoll halen. Du jeff et keen Maschinnen wie höckt, se muchen bal alles mot derr Hand on dat bej waremer on kaler Zekt. Do mutt mer noch döck jut deck Häschen ahnziejen fürr dat mer dän Stihl van der Schöpp üwerhopt ond’Fonger behul, on annisch eröm och die Hetzt all verdron. Su jung et Jasper on Nikla och. Sie arbeten bej er Firma die Kabel on e Jraf verlaht on dä mutt mot dän Hänn osjehoven jän. Et wor schrecklich warem, de Schwees luf hinnen eraf. Jasper hat seit bal er Woch keene Bart mij jemaht. Nikla saht ze him: “Mensch Jasper du seks ewer us, du könns dir de Bart äwer och es en kier mache!” Do saht Jasper: “Jo, dat oss wor, doch esch han jedaht, hän oss äwer alt jut fürr de Schätt.”
Johanna Gallo, Rödgen