Mrie un Jannes hatten noch en aald Buuren Hus. Et jov noch keen Zentralheizung mät Heeßwasser, Dusch un Badkamer. Samstichs wur Wasser op d` Fornes heeß jemat un änd Köchen wur än en jruß Bött sich jeweichen un jebad. Och de Weich mot op d` Fornees jekoocht werden un van Hand jeweiche werden. De Bött wur dofür op ne Bock jestalt un de Weich op dat Riefbrett un mät der Büüscht jeschrubbt. Dan wur se jot usjespolt un änt läst Usweich kom noch Bläu, dät de wiss Weich och richtig wiss wur. Dan wur se än de Jaacht op d` Jras jelaat för ze bleechen. Mät der Spröz wur se noch en- zweimol naaß jemaht. Mänichmol kom et dan für, dät d` Katz doröfer leev un dan mosst dat noch es usjeweiche werden.
Her „Herzhüschen“ hatten se dobussen över dem Mästhof. Och än de Wenter mossten se lans d` Hus dohen lofen. Op d` Schlofkamer stonn eluter e` Jeschir önner d` Bett, för wenn des Nahts enen opston mosst. Bej os en Bötschebich han ich dat esue net jekannt. Do wor dat Hüschen en nen Eck vam Jaart un den Emer us däm Hüschen wur eluter op nen avjeläjenen Eck vam Hof jebraht. Dat duuscht net mät dem anneren Mäst z.B. än de Jemösjaart konn, wäjen möchlicher Krankheten.
De Kohstal wor domols noch net mät automatischer Entmästung un ner modern Mälekanlag usjebocht. Morjes un ovens mosst dä Stal noch usjemäst werden un mät der Schubkar mot alles op de Mäst jefahre werden. De Hohner hatten her Huurt än de Kohstal. Dat woren Holzlatzen lans en Wand un dröm eröm wor et mät Holzer zojemaat wie ne lange, schmale Käfig. De Hohner jengen en Leder do erop un dan konn mer dat mät ner klenen Dür zo maachen jäjen ne Marder. De Hohner lefen de janzen Dag frej eröm, op den ejenen oder noberen Hof; dat wor ejal. Äver ich han et nie erlevt, dät es des ovends sich en Hohn än nen annere Stal verlofen hätt. Ät kom wal ald es für, dät en Hohn sin Eier net änd Näst laat un sich sin ejen Näst op den Hof sot. De Hohner kratzten och op dem Mästhof eröm.
Mrie un Jannes hatten sich no dem Krich her Huus och modernisiert un sich en Badkamer un WC enbowe lässen. Ävver wenn Jannes dobussen and wereke wor, jeng hen noch eluter us alder Jewannhet op dat Herzhüschen. Enes Dags saat Mrie, wor hen och noch es op dat Hüschen jangen. Op emol dät hen ne Bröll un Mrie lef erus un daat et wör jet schreckliches passiert. Ävver, wie Jannes sich op dat Klo sat, do wor do önnen en Hohn – un dat hatt es no oven jepickt.
Heribert Albring, Bütgenbach / heute Gerolstein