Fröjer jov et dat jo net, dat mer es d` Sonnichs net änd Kerch jeng. Do wor de Fröhmäss om seven Uhr d` Morjens ald voller, wie högd de Huhmäss. Äver se woren deswäjen net all esu sier fromm. Do woren der Männ, de stonten zor Huhmäss vör der Kerech, verzallten sich allerlei un kickten däne Lögden oder de Fraulögden noh, de d` Trapp erop en d` Kerech jengen. Sä ver-zallten sich un warten dobussen, bes se menten, de Pastur wör wal mät der Präddigt ferdig. Dan jengen se och erän un stonten hännen änd Kerech. Wänn de Mäss zu End jeng woren se ald bal för dem Säjen eröm erus.
Äver do woren och anneren, de woren siehr fromm. Meestens worren dat son ald Jufferen de vel Zit hatten sich och mät allerhand us dem Dorep opzehalden, wat se meestens nüßt ahjeng. Sä motten vel Bädden för all de Schletichketen än der Wält; vör allem, wänn d`Lökt dat och eluter sochen. Dan hengen se änd Kerech vör de Hellijebelter op d` Kniee, helden de Kop schef un hatten de Hänn jefahlt bes and Nasespetz. Van dänne sahten se: „ De han den Herjott mät den Ziehne jepackt.“ Äver vör der Kerech, do bussen, do hatten se Hoor op d` Zänn. Do motten se all de Schletichketen vör allem däm Pastur verzällen, domät Buß jedon un jeprädigt wur.
Do äs es än en Dorp ne nöje Pastur hen konn. Dän Koster warnt hen: Do wören drej Juffe-ren, de hätten sinem Vörjänger d` Hus äjerannt mät allem Tratsch us dem Dorp. Den nöje Pastur wor frue dät hen hem dat saht, hen wür sich vörsehn. Et duurt och net lang, do kom de iescht ald bej de Pastur. Sä mot hem es verzällen, wat et all för Schletichketen end Dorp jöf. De Pastur les se verzällen un verzällen. Töschendorech saht en ald es av on zo: „Ja, ja – “ , oder „Das ist aber schlimm“, un leß se widderverzällen. Sä wor frueh, dät den nöjen Här esone jodden Zohürer wor un stejerte sich öm esu mieh en häre Verzäll. Allmählich jeng här et Nöchst us. Sä maht ald es en Paus un feng an sich ze wederholen. Endlich saht de Pastur en en son Paus: „Ja liebe Frau! Das ist ja furchtbar, was sie mir da alles erzählen. Wissen sie was: Wir beten jetzt mal für all die armen Sünder gemeinsam den Rosenkranz.“ Hen jeng mät her en sien Bädkamer; sä mot sich mät hem op d` Bank knejen un dan hat de Pastur mät her all drej Rosekränz „erop un eraf“ jebäd. De zwei an-neren sin ald jar net me konn.
Heribert Albring, Gerolstein