Än die Monden Juni bes Oktober jet än os Dörper Kermes jevierd. Meestens vängt die Viererej ald Vriedes ovens aan, wenn die Jongjesellen de Kermesbom opsetzen. Vröjer jov de Bom ömständlich van Hand opjestalt on die jong Männ komen dobej düchtich an’d schweesen. Högt jeht dat em alljemenen janz flott met nem Trekker oder nem Selzoch jemaht. Äver or högt jet die jelongen Arbeed bes deef änd Naht bejoßen.
Vör and Kermes worren die Husvrauwen vröjer darelang domät verladen, Vladden on Koch ze bakken. Or vör dat Metticheissen kom nömmen dat Best op den Desch – äver erus eissen john, wie dat högt ald dekker de Val es, kant mer noch net.
Nohmettes troov sich dat janz Dorp met de Jäst us de Nobischdörper vör an’d Kerech oder den Dorpsaal on do jov dann de „Lancier“ jedanst – dovür hatten die jong Lögt wochelang jeövt. Zem Jlöck äs die Traditiun ä vel Dörper bes högt erhalden bläven.
Kuurt nom zwechten Weltkrech jov or ald eröm Kermes jeviert. Die drej Musiker, die alt vel Joren zesamen jespelt hatten, worren us dem Krech zeröck kon, äver enen dovan hat ene Jranatsplitter än en Ow krejen on soch bal nüst mie, den anderen wor be en schwär Explosiun esuzesahn doov jän. Nömmen den Drechten hat nüst met krejen on kon dovür sorjen, dat die Kapell noch eluter wie vröher zesamen spelle kon. Zo der Zit jov noch baal jar net noh Nueten jespelt on wenn engkier enen Tuen dokänd jeeng, wor dat or net bachtisch schläm.
Et kom, wie et ko mot: bej een Kermes wor et nohmettes sier warm jewäst on esu hatten die Musiker jrueßen Duescht on dronken düchtich Schnaps on Beer. Zo der Ziet trocht sich baal kene Mann, Wasser oder Limonad ze drenken, on Cola wor noch net esu bekannt en oos Jäjend. Et solt or net heschen, dat ömmes kene richtije Kerel wör. Ose jesone Musiker hat der deefst änd Jlaas beseen on et wor net doran ze denken, dat den ovends noch op’d Bühn kön stohn. Händer de Vörhang had hen sich verborjen on wor laut and schnorksen.
Nu stonden die zwijn anderer do on moten sehn, dat se den Ovend alleen över’d Bühn brahten. De Saal wor vol Volek; baal al Descher worren besat. Die jong Männ stonden onjedöllisch an’d Thek on lurten no de Mädcher, die sich extra vör’d Kermes e nöj Kleed jebot hatten.
Oos zwijn Musikanten stonden jet verloren op’d Bühn on wosten net richtich, wie et wegder sol john. Du ment op ees de Blennen: “Sen d’Leugt alt and dansen?”
Du saht den Dooven: „Nee, ich sehn noch nüst. Se mer dan överhopd ald and spellen?”
Karin Heindrichs, Rocherath